தொழில்நுட்பம்
அசத்தல் வடிவமைப்பு, அதிரடி அம்சங்களுடன் ஹோம்பாட் மினி அறிமுகம்
ஆப்பிள் நிறுவனம் ஹோம்பாட் மினி ஸ்மார்ட் ஸ்பீக்கரை அறிமுகம் செய்துள்ளது. இதன் விவரங்களை பார்ப்போம்.
ஆப்பிள் நிறுவனத்தின் புதிய ஹோம்பாட் மினி ஸ்மார்ட் ஸ்பீக்கர் ஹை ஸ்பீடு நிகழ்வில் அறிமுகம் செய்யப்பட்டு உள்ளது. புதிய ஸ்மார்ட் ஸ்பீக்கர் தலைசிறந்த ஆடியோ அனுபவத்தை வழங்கும் வகையில் நேர்த்தியாக வடிவமைக்கப்பட்டு இருக்கிறது.
இந்த ஸ்பீக்கர் ஆப்பிள் எஸ்5 பிராசஸர், சிரி தொழில்நுட்பம் கொண்டுள்ளது. இது வீடு முழுக்க தலைசிறந்த ஆடியோ அனுபவத்தை சீராக வழங்கும் திறன் கொண்டுள்ளது.
இதுதவிர புதிய ஸ்மார்ட் ஸ்பீக்கர் பல்வேறு இதர அம்சங்கள் வழங்கப்பட்டு இருக்கிறது. மேலும் இது ஐபோன்களுடன் இணைந்து இருக்கும் போது தலைசிறந்த அனுபவத்தை வழங்கும் என தெரிவிக்கப்பட்டு உள்ளது.
புதிய ஆப்பிள் ஹோம்பாட் மினி ஸ்பீக்கர் விலை 99 டாலர்கள் என நிர்ணயம் செய்யப்பட்டு இருக்கிறது.