தொழில்நுட்பம்
மீடியாடெக் டிமென்சிட்டி 9000

மீடியாடெக் டிமென்சிட்டி 9000 பிராசஸர் அறிமுகம்

Published On 2021-11-19 10:16 GMT   |   Update On 2021-11-19 10:16 GMT
மீடியாடெக் நிறுவனத்தின் புதிய பிளாக்‌ஷிப் சிப்செட் அசத்தல் அப்டேட்களுடன் அறிமுகம் செய்யப்பட்டது.


மீடியாடெக் நிறுவனம் தனது புதிய பிளாக்‌ஷிப் பிராசஸரை அறிமுகம் செய்தது. டிமென்சிட்டி 9000 என அழைக்கப்படும் புது சிப்செட் டி.எஸ்.எம்.சி.-யின் 4 நானோமீட்டர் முறையில் உருவாக்கப்பட்ட உலகின் முதல் பிராசஸர் என்ற பெருமையை பெற்று இருக்கிறது.

மேலும் ஏ.ஆர்.எம். கார்டெக்ஸ்- எக்ஸ்2, ஏ710 மற்றும் ஏ510 சி.பி.யு.-க்களை பயன்படுத்தி இருக்கும் முதல் பிராசஸரும் இது தான். இந்த பிராசஸருடன் மாலி ஜி710 ஜி.பி.யு. வழங்கப்பட்டு இருக்கிறது. மேலும் எல்.பி. டி.டி.ஆர்.5எக்ஸ் ரேம் கொண்ட உலகின் முதல் பிராசஸரும் இது தான். இது அதிகபட்சம் 7500 எம்.பி.பி.எஸ். வேகம் மற்றும் ப்ளூடூத் 5.3 வசதி கொண்டிருக்கிறது.



இந்த சிப்செட்டில் 1 எக்ஸ் ஏ.ஆர்.எம். கார்டெக்ஸ் எக்ஸ்2 சி.பி.யு., 3 எக்ஸ் கார்டெக்ஸ் ஏ 710 சிபியு மற்றும் 4 எக்ஸ் கார்டெக்ஸ் ஏ510 சி.பி.யு. உள்ளது. இது தற்போது இருக்கும் ஆண்ட்ராய்டு பிளாக்‌ஷிப் பிராசஸர்களைவிட 35 சதவீதம் சக்திவாய்ந்தது ஆகும். மேலும் இது 37 சதவீதம் சிறப்பான பேட்டரி திறன் வழங்குகிறது.

இந்த பிராசஸர் 320 எம்.பி. பிரைமரி கேமராவுக்கான சப்போர்ட் கொண்டிருக்கிறது. மீடியாடெக் டிமென்சிட்டி 9000 பிராசஸர் கொண்ட ஸ்மார்ட்போன்கள் 2022 ஆண்டின் முதல் காலாண்டு வாக்கில் அறிமுகம் செய்யப்பட இருக்கின்றன.
Tags:    

Similar News