மலிவு விலை 5ஜி ஸ்மார்ட்போன் உருவாக்கும் கூகுள் மற்றும் ரிலையன்ஸ் ஜியோ

கூகுள் நிறுவனம் ரிலையன்ஸ் ஜியோவுடன் இணைந்து குறைந்த விலையில் 5ஜி ஸ்மார்ட்போனினை வெளியிட இருப்பதாக கடந்த ஆண்டு அறிவித்தது. கூகுள் - ஜியோ கூட்டணியில் உருவாகும் 5ஜி ஸ்மார்ட்போன் பற்றி கூகுள் நிறுவன தலைமை செயல் அதிகாரி சுந்தர் பிச்சை புது தகவல்களை சமீபத்தில் நடைபெற்ற விர்ச்சுவல் நிகழ்வில் தெரிவித்து இருக்கிறார்.

புது விலை குறைந்த ஸ்மார்ட்போனினை உருவாக்க ரிலையன்ஸ் ஜியோ நிறுவனத்துடன் இணைந்து பணியாற்றி வருவதாக அவர் தெரிவித்தார். நாங்கள் இந்த திட்டத்தில் முழு கவனம் செலுத்தி வருகிறோம். இதற்காக அவர்களுடன் இணைந்து பணியாற்றுகிறோம் என அவர் தெரிவித்தார். 

கூகுள் - ஜியோ கூட்டணியில் உருவாகும் குறைந்த விலை 5ஜி ஸ்மார்ட்போன் எப்போது வெளியாகும் என்ற தகவல் இதுவரை உறுதி செய்யப்படவில்லை. எனினும், இந்த ஸ்மார்ட்போன் இந்தியாவில் ஜியோ 5ஜி சேவைகள் துவங்கும் போது அறிமுகம் செய்யப்படலாம் என கூறப்படுகிறது. தற்போது நாட்டின் பல்வேறு பகுதிகளில் ஜியோ 5ஜி சோதனையை மேற்கொண்டு வருகிறது.