2-வது டெஸ்டில் இங்கிலாந்து டாஸ் வென்று பேட்டிங் தேர்வு: கேன் வில்லியம்சன் இல்லை

இங்கிலாந்து- நியூசிலாந்து அணிகளுக்கு இடையில் இரண்டு போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. கடந்த 2-ந்தேதி லார்ட்ஸ் மைதானத்தில் நடைபெற்ற முதல் டெஸ்ட் வெற்றித் தோல்வியின்றி டிராவில் முடிந்தது.

இந்த நிலையில் 2-வது டெஸ்ட் எட்ஜ்பாஸ்டனில் இன்று தொடங்கியது. டாஸ் வென்று இங்கிலாந்து அணி கேப்டன் ஜோ ரூட் பேட்டிங் தேர்வு செய்துள்ளார். நியூசிலாந்து அணியில் முதல் போட்டியில் விளையாடிய கேப்டன் கேன் வில்லியம்சன், சான்ட்னெர், கைல் ஜேமிசன் உள்பட ஆறு பேர் இடம் பெறவில்லை. இந்த போட்டியில் பிளண்டெல், மிட்செல் ஹென்ரி, பட்டேல், டிரென்ட் போல்ட் இடம் பிடித்துள்ளனர்.

இங்கிலாந்து அணி சுழற்பந்து வீச்சாளர்கள் இல்லாமல் விளையாடி வருகிறது. 

இங்கிலாந்து அணி:-

1. ரோரி பேர்ன்ஸ், 2. டாம் சிப்லி, 3. ஜாக் கிராவ்லி, 4. ஜோ ரூட், 5. ஒல்லி போப், 6. டான் லாரன்ஸ், 7. ஜேம்ஸ் பிரேசி, 8. மார்க் வுட், 9. ஒல்லி ஸ்டோன், 10. ஸ்டூவர்ட் பிராட், 11. ஜேம்ஸ் ஆண்டர்சன்.

நியசிலாந்து அணி:-

1. டாம் லாதம் (கேப்டன்), 2. டேவன் கான்வே, 3. வில் யங், 4. ராஸ் டெய்லர், 5. ஹென்ரி நிக்கோல்ஸ், 6. டாம் பிளண்டெல், 7. டேரில் மிட்செல், 8. நீல் வாக்னர், 9. மாட் ஹென்ரி, 10. அஜாஸ் பட்டேல், 11. டிரென்ட் போல்ட்.