தொழில்நுட்பம்
ரெனோ 2

இணையத்தில் லீக் ஆன ஒப்போ ஸ்மார்ட்போனின் லைவ் புகைப்படங்கள்

Published On 2019-12-20 04:25 GMT   |   Update On 2019-12-20 04:25 GMT
ஒப்போ நிறுவனத்தின் அதிகம் எதிர்பார்க்கப்படும் ரெனோ 3 ஸ்மார்ட்போனின் லைவ் புகைப்படங்கள் இணையத்தில் வெளியாகியுள்ளது.



ஒப்போ நிறுவனத்தின் ரெநோ 3 சீரிஸ் ஸ்மார்ட்போன்கள் அடுத்த வாரம் அறிமுகம் செய்யப்பட இருக்கின்றன. இந்நிலையில், இந்த ஸ்மார்ட்போனின் லைவ் புகைப்படங்கள் இணையத்தில் வெளியாகியுள்ளது.

அதன்படி புதிய ரெனோ 3 சீரிஸ் ரெனோ 3 மற்றும் ரெனோ 3 ப்ரோ என இரண்டு மாடல்களை கொண்டிருக்கும் என தெரிகிறது. இரு ஸ்மார்ட்போன்களிலும் அடுத்த தலைமுறை 5ஜி நெட்வொர்க் வசதி கொண்டிருக்கும். தற்சமயம் ஒப்போ ரெனோ 3 ஸ்மார்ட்போனின் லைவ் புகைப்படங்கள் வெளியாகியுள்ளன.

அதில் ஸ்மார்ட்போனில் நான்கு பிரைமரி கேமரா சென்சார்கள், எல்.இ.டி. ஃபிளாஷ் வழங்கப்படுகிறது. இத்துடன் கிளாஸ் பேக், கிரேடியன்ட் ஃபின்ஷ் கொண்டிருக்கிறது. முன்புறம் டிஸ்ப்ளேவில் வாட்டர் டிராப் வடிவ நாட்ச், கீழ்புறத்தில் மெல்லிய சின் வழங்கப்பட்டுள்ளது.



புகைப்படங்களின்படி ஸ்மார்ட்போனில் கைரேகை சென்சார் தென்படவில்லை என்பதால், இந்த ஸ்மார்ட்போனில் இன்-டிஸ்ப்ளே கைரேகை சென்சார் வழங்கப்படலாம் என எதிர்பார்க்கப்படுகிறது. 

இதுவரை கிடைத்திருக்கும் தகவல்களின் படி ஒப்போ ரெனோ 3 ஸ்மார்ட்போனில் ஆண்ட்ராய்டு 10 இயங்குதளம் சார்ந்த கலர் ஒ.எஸ். 7 வழங்கப்படும் என்றும் மீடியாடெக் எம்டி6885 பிராசஸர், 8 ஜி.பி. ரேம், 128 ஜி.பி. மெமரி வழங்கப்படும் என கூறப்படுகிறது. இத்துடன் 6.5 இன்ச் AMOLED FHD+ 1080x2400 டிஸ்ப்ளே, 4025 எம்.ஏ.ஹெச். பேட்டரி வழங்கப்படலாம்.

புகைப்படங்களை எடுக்க 48 எம்.பி. பிரைமரி கேமரா, 8 எம்.பி. அல்ட்ரா வைடு ஆங்கில் லென்ஸ், 2 எம்.பி. மேக்ரோ லென்ஸ், முன்புறம் 32 எம்.பி. செல்ஃபி கேமரா வழங்கப்படும் என கூறப்படுகிறது. 

Tags:    

Similar News