ஆட்டோமொபைல்
ராயல் என்ஃபீல்டு கிளாசிக் 350

இந்தியாவில் ராயல் என்ஃபீல்டு கிளாசிக் 350 விலை திடீர் மாற்றம்

Published On 2020-05-16 10:01 GMT   |   Update On 2020-05-16 10:01 GMT
ராயல் என்ஃபீல்டு நிறுவனம் தனது கிளாசிக் 350 மோட்டார்சைக்கிள் விலையை திடீரென மாற்றியுள்ளது.



ராயல் என்ஃபீல்டு நிறுவனத்தின் கிளாசிக் 350 பிஎஸ்6 மோட்டார்சைக்கிள்களின் விலை இந்தியாவில் உயர்த்தப்பட்டுள்ளது. அதன்படி கிளாசிக் 350 பேஸ் மற்றும் ஸ்டான்டர்டு (டூயல் சேனலே ஏபிஎஸ்) வேரியண்ட்களை வாங்க முன்பை விட ரூ. 2754 மற்றும் ரூ. 2575 கூடுதலாக செலுத்த வேண்டும். 

அந்த வகையில் ராயல் என்ஃபீல்டு கிளாசிக் 350 சிங்கிள் சேனல் ஏபிஎஸ் மாடல் விலை ரூ. 1,59,851 என்றும் டூயல் சேனல் ஏபிஎஸ் விலை ரூ. 1,67,780 என்றும் மாற்றப்பட்டுள்ளது. ராயல் என்ஃபீல்டு கிளாசிக் மட்டுமின்றி பிஎஸ்6 ஹிமாலயன் மற்றும் இதர மாடல்களின் விலையும் உயர்த்தப்பட்டுள்ளது.



விலை உயர்வு சுமையை சற்று தளர்த்தும் வகையில் ராயல் என்ஃபீல்டு நிறுவன விற்பனையாளர்கள் ஒவ்வொரு புதிய மோட்டார்சைக்கிள் வாங்குவோருக்கும் ரூ. 10 ஆயிரம் மதிப்புள்ள அக்சஸரீக்களை வழங்கி வருகின்றன. 

முன்னதாக ஹோண்டா, பஜாஜ் மற்றும் யமஹா போன்ற நிறுவனங்களும் தங்களது வாகனங்களின் விலையை உயர்த்துவதாக அறிவித்தன.
Tags:    

Similar News