பிஎஸ்6 ஹோண்டா ஜாஸ் முன்பதிவு விவரம்

ஹோண்டா நிறுவனம் புதிய ஜாஸ் பிஎஸ்6 காருக்கான முன்பதிவை துவங்கி உள்ளது. புதிய பிரீமியம் ஹேட்ச்பேக் மாடலின் முன்பதிவு ஹோண்டா நிறுவனத்தின் அதிகாரப்பூர்வ விற்பனை மையங்கள் மற்றும் ஆன்லைனில் நடைபெற்று வருகிறது. 

புதிய ஹோண்டா கார் முன்பதிவை விற்பனையகங்களில் மேற்கொள்வோருக்கு ரூ. 21 ஆயிரமும், ஆன்லைனில் முன்பதிவு செய்வோருக்கு ரூ. 5 ஆயிரம் என நிர்ணயம் செய்யப்பட்டு உள்ளது.

ஹோண்டா பிஎஸ்6 ஜாஸ் மாடலில் 1.2 லிட்டர் ஐ-விடிஇசி யூனிட் வழங்கப்பட இருக்கிறது. இந்த என்ஜின் 89 பிஹெச்பி பவர் மற்றும் 110 என்எம் டார்க் செயல்திறன் வழங்குகிறது. இத்துடன் 5 ஸ்பீடு மேனுவல் அல்லது சிவிடி டிரான்ஸ்மிஷன் வழங்கப்படுகிறது. 

புதிய ஹோண்டா காரில் எல்இடி ஹெட்லேம்ப் மற்றும் டெயில் லேம்ப்கள், சன்ரூஃப், குரூயிஸ் கண்ட்ரோல், பட்டன் ஸ்டார்ட், பேடில் ஷிஃப்டர்கள் வழங்கப்பட இருக்கிறது. 

இந்திய சந்தையில் புதிய ஹோண்டா ஜாஸ் பிஎஸ்6 மாடல் மாருதி பலேனோ, ஹூண்டாய் எலைட் ஐ20 மற்றும் டாடா அல்ட்ரோஸ் போன்ற மாடல்களுக்கு போட்டியாக அமைகிறது.