ஆட்டோமொபைல்
புதிய நிறத்தில் 2021 கவாசகி இசட்650
கவாசகி நிறுவனத்தின் 2021 இசட்650 மோட்டார்சைக்கிள் புதிய நிறத்தில் கிடைக்கிறது. இதன் விவரங்களை பார்ப்போம்.
கவாசகி நிறுவனத்தின் 2021 இசட்650 மோட்டார்சைக்கிள் சர்வதேச சந்தையில் அறிமுகம் செய்யப்பட்டது. இந்த மாடல் இரண்டு புதிய நிறங்களில் கிடைக்கிறது.
அந்த வகையில் வைட் மற்றும் பிளாக் நிறங்களில் கவாசகியின் பாரம்பரிய லைம் கிரீன் நிறம் வீல்கள், டிரெலிஸ் பிரேம் மற்றும் கிராபிக்ஸ் உள்ளிட்டவைகளில் பூசப்பட்டு உள்ளது. 2021 கவாசகி இசட்650 மாடல் புல் பிளாக் நிறத்திலும் கிடைக்கிறது.
புதிய மோட்டார்சைக்கிளில் டன்லப் ஸ்போர்ட்மேக்ஸ் ரோட்ஸ்போர்ட் 2 ரக டையர்கள் வழங்கப்பட்டுள்ளன. மாடலில் மேம்பட்ட 649சிசி பேரலெல் ட்வின் பிஎஸ்6 என்ஜின் வழங்கப்படுகிறது. இதே என்ஜின் நின்ஜா 650 மாடலிலும் வழங்கப்பட்டுள்ளது.
இந்த என்ஜின் 68 பிஹெச்பி பவர், 64 என்எம் டார்க் செயல்திறன் வழங்குகிறது. இத்துடன் 6 ஸ்பீடு ஸ்டான்டர்டு கியர்பாக்ஸ் வழங்கப்பட்டுள்ளது.