தொழில்நுட்பச் செய்திகள்
ஆப்பிள் சாதனங்களுக்கு மாற்றாக ‘நத்திங்’ இருக்கும்
நேற்று நடைபெற்ற விழாவில் நத்திங் போன் குறித்த அறிவிப்பும் வெளியாகியுள்ளது.
நத்திங் நிறுவனத்தின் விழா நேற்று நடைபெற்றது. இதில் பேசிய அதன் நிறுவனர் கார்ல் பெய், தனது நிறுவனத்தின் சாதனங்கள் ஆப்பிள் சாதனங்களுக்கு மாற்றாக இருக்கும் என்று தெரிவித்துள்ளார்.
மேலும் நத்திங் நிறுவனத்தின் நத்திங் போன் (1) வரும் மாதங்களில் அறிமுகமாகவுள்ளதாக அறிவிக்கப்பட்டுள்ளது.
இந்த போனில் சமீபத்திய Qualcomm Snapdragon பிராசஸர் வழங்கப்பட்டிருக்கும் என்றும், ஆண்ட்ராய்டு மற்றும் நத்திங் ஓ.எஸ்ஸில் இயங்கும் என கூறப்படுகிறது.
இந்த போனின் இயக்கம் வேகமாகவும், மென்மையாகவும் இருக்கும் என தெரிவிக்கப்பட்டுள்ளது. அதே நேரத்தில் ப்ளாட்வேர்கள் எதுவும் இந்த போனில் தரப்படாது. நத்திங் போனிற்கு 3 வருடம் ஓ.எஸ் அப்டேட்டுகள் உறுதியாக வழங்கப்படும். 4 வருடங்களுக்கு செக்யூரிட்டி அப்டேட்டுகளும் தரப்படும் எனவும் தெரிவிக்கப்பட்டுள்ளது.
இந்த போன் குறித்த மேலும் தகவல்கள் வரும் வாரங்களில் வெளியாகும் என எதிர்பார்க்கப்படுகிறது.