திருப்பதி கபிலேஸ்வரசாமி கோவிலில் பிரம்மோற்சவ விழா அங்குரார்ப்பணம்

திருப்பதி கபிலேஸ்வரசாமி கோவிலில் வருடாந்திர பிரம்மோற்சவ விழா இன்று (செவ்வாய்க்கிழமை) கொடியேற்றத்துடன் தொடங்குகிறது. அதையொடடி நேற்று மாலை 4.30 மணியில் இருந்து மாலை 6.30 மணி வரை மூஷிக வாகனத்தில் விநாயகர் எழுந்தருளி பக்தர்களுக்கு அருள்பாலித்தார். அதைத்தொடர்ந்து ஆஸ்தானம், மாலை 6.30 மணியளவில் பிரம்மோற்சவ விழா அங்குரார்ப்பணம் நடந்தது.

அதைத்தொடர்ந்து இன்று (செவ்வாய்க்கிழமை) காலை 8.10 மணியளவில் மீன லக்னத்தில் பிரம்மோற்சவ விழா கொடியேற்றம் நடக்கிறது. அதன் பிறகு காலை 9 மணியில் இருந்து பகல் 11 மணி வரை பல்லக்கு உற்சவம், இரவு 7 மணியில் இருந்து இரவு 8 மணி வரை ஹம்ச வாகனச் சேவை நடக்கிறது.