தொழில்நுட்பம்
4030 எம்.ஏ.ஹெச். பேட்டரியுடன் விவோ வை90 ஸ்மார்ட்போன் இந்தியாவில் அறிமுகம்
விவோ நிறுவனத்தின் வை90 ஸ்மார்ட்போன் இந்தியாவில் பட்ஜெட் விலையில் அறிமுகம் செய்யப்பட்டுள்ளது.
விவோ நிறுவனம் இந்தியாவில் வை90 ஸ்மார்ட்போனினை பட்ஜெட் விலையில் அறிமுகம் செய்துள்ளது. புதிய விவோ வை90 ஸ்மார்ட்போனில் 6.22 இன்ச் ஹெச்.டி. பிளஸ் ஸ்கிரீன், ஹீலியோ ஏ22 குவாட்கோர் 12 என்.எம். பிராசஸர், 2 ஜி.பி. ரேம், ஆண்ட்ராய்டு 8.1 சார்ந்த ஃபன்டச் ஒ.எஸ். வழங்கப்பட்டுள்ளது.
புகைப்படங்களை எடுக்க 8 எம்.பி. பிரைமரி கேமரா, எல்.இ.டி. ஃபிளாஷ், 5 எம்.பி. செல்ஃபி கேமரா, ஏ.ஐ. பியூட்டி அம்சம் மற்றும் ஃபேஸ் அன்லாக் வசதி வழங்கப்பட்டுள்ளது. பிரத்யேக டூயல் சிம் ஸ்லாட், மைக்ரோ எஸ்.டி. கார்டு ஸ்லாட் கொண்டிருக்கும் விவோ வை90 ஸ்மார்ட்போன் 4030 எம்.ஏ.ஹெச். பேட்டரி மூலம் சக்தியூட்டப்படுகிறது.
விவோ வை90 சிறப்பம்சங்கள்:
- 6.22 இன்ச் 1520x720 பிக்சல் ஹெச்.டி. பிளஸ் ஐ.பி.எஸ். டிஸ்ப்ளே
- 2.0 ஜிகாஹெர்ட்ஸ் மீடியாடெக் ஹீலியோ ஏ22 பிராசஸர்
- 650 மெகாஹெர்ட்ஸ் IMG பவர்வி.ஆர். GE83200 GPU
- 2 ஜி.பி. ரேம்
- 16 ஜி.பி. மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- ஃபன்டச் ஒ.எஸ். 5.0 சார்ந்த ஆண்ட்ராய்டு 8.1 ஓரியோ
- 8 எம்.பி. பிரைமரி கேமரா, எல்.இ.டி. ஃபிளாஷ், f/2.0
- 5 எம்.பி. செல்ஃபி கேமரா, f/1.8
- டூயல் 4ஜி வோல்ட்இ, வைபை, ப்ளூடூத் 5
- 4030 எம்.ஏ.ஹெச். பேட்டரி
விவோ வை90 ஸ்மார்ட்போன் பிளாக் மற்றும் கோல்டு நிறங்களில் கிடைக்கிறது. இந்தியாவில் விவோ வை90 ஸ்மார்ட்போன் விலை ரூ. 6,990 என நிர்ணயம் செய்யப்பட்டுள்ளது. இதன் விற்பனை முன்னணி ஆன்லைன் வர்த்தக நிறுவனங்கள் மற்றும் ஆஃப்லைன் சந்தையில் நடைபெறுகிறது.