புதிய ஹண்டர் 350 டீசர் வெளியிட்ட ராயல் என்பீல்டு

ராயல் என்பீல்டு நிறுவனம் பல்வேறு புது மாடல்களை அடுத்த ஆண்டு அறிமுகம் செய்ய திட்டமிட்டு இருக்கிறது. இவற்றில் ஸ்கிராம் 411 மற்றும் ஹண்டர் 350 உள்ளிட்டவை முதலில் அறிமுகம் செய்யப்படலாம் என கூறப்பட்டு வந்தது. 

தற்போது ராயல் என்பீல்டு நிறுவனம் ஹண்டர் 350 மோட்டார்சைக்கிள் டீசரை வெளியிட்டு உள்ளது. இந்த மாடல் அடுத்த ஆண்டு மத்தியில் அறிமுகமாகும் என கூறப்படுகிறது. ஒற்றை இருக்கை கொண்ட ஹண்டர் 350 கிட்டத்தட்ட அதன் ப்ரோடோடைப் மாடலை போன்றே காட்சியளிக்கும் என தெரிகிறது. 

புதிய ஹண்டர் 350 மாடல் ராயல் என்பீல்டு நிறுவனத்தின் ஜெ பிளாட்பார்மில் உருவாகி வருகிறது. மீடியோர் 350 மாடலில் வழங்கப்பட்ட 349சிசி என்ஜினே புதிய ஹண்டர் 350 மாடலிலும் வழங்கப்படுகிறது. இந்த என்ஜின் 22 பி.ஹெச்.பி. திறன், 27 நியூட்டன் மீட்டர் டார்க் இழுவிசையை வெளிப்படுத்துகிறது.