வெள்ளகோவிலில் மக்களை தேடி மருத்துவ திட்டம் - அமைச்சர் மு.பெ.சாமிநாதன் தொடங்கி வைத்தார்

வெள்ளகோவில்:

வெள்ளகோவில் வட்டார ஆரம்ப சுகாதார நிலையத்தில் மக்களை தேடி மருத்துவ திட்டம் தொடக்க விழா நடைபெற்றது. 

திருப்பூர் மாவட்ட சுகாதார பணிகள் துணை இயக்குனர் ஜெகதீஷ் குமார் முன்னிலையில், செய்தித்துறை அமைச்சர் மு.பெ.சாமிநாதன் கலந்து கொண்டு திட்டத்தை தொடங்கி வைத்தார். 

தொடர்ந்து மக்கள் நல்வாழ்வு மற்றும் குடும்ப நலம், சமூக நலம் மற்றும் சத்துணவுத் திட்ட துறை, பள்ளி கல்வித்துறை சார்பில் குழந்தைகளுக்கு ஏற்படும் வயிற்றுப்போக்கை கட்டுப்படுத்தும் தீவிர விழிப்புணர்வு முகாம், குழந்தைகளுக்கு குடற்புழு நீக்கம் திட்ட வார விழா ஆகிய நிகழ்ச்சிகள் நடைபெற்றது. 

முகாமில் முதியோர்களுக்கு மருந்து மாத்திரைகள் வழங்கப்பட்டது. இதற்கான ஏற்பாடுகளை வெள்ளகோவில் வட்டார ஆரம்ப சுகாதார நிலைய மருத்துவ அலுவலர் ராஜலட்சுமி மற்றும் மருத்துவர்கள், சுகாதார ஆய்வாளர்கள், செவிலியர்கள் செய்திருந்தனர்.