ஆட்டோமொபைல்
இன்னோவா க்ரிஸ்டா பேஸ்லிப்ட்

அசத்தல் அப்டேட்களுடன் புதிய இன்னோவா க்ரிஸ்டா பேஸ்லிப்ட் அறிமுகம்

Published On 2020-11-24 10:09 GMT   |   Update On 2020-11-24 10:09 GMT
டொயோட்டா நிறுவனத்தின் புதிய இன்னோவா க்ரிஸ்டா பேஸ்லிப்ட் மாடல் இந்திய சந்தையில் அறிமுகம் செய்யப்பட்டது.

டொயோட்டா கிர்லோஸ்கர் மோட்டார் நிறுவனம் புதிய இன்னோவா க்ரிஸ்டா பேஸ்லிப்ட் மாடலை இந்திய சந்தையில் அறிமுகம் செய்து இருக்கிறது. இந்தியாவில் புதிய இன்னோவா க்ரிஸ்டா மாடல் விலை ரூ. 16.26 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய பேஸ்லிப்ட் மாடல் ஸ்பார்க்ளிங் பிளாக் மற்றும் க்ரிஸ்டல் ஷைன் என இரண்டு புதிய நிறங்கள், மூன்று ட்ரிம் மற்றும் இரண்டு வித என்ஜின் ஆப்ஷன்களில் கிடைக்கிறது. புதிய இன்னோவா மாடல் முன்பதிவு ஏற்கனவே துவங்கிவிட்டது. விநியோகம் விரைவில் துவங்கும் என தெரிகிறது.



இன்னோவா க்ரிஸ்டா பேஸ்லிப்ட் மாடலில் புதிய முன்புற வடிவமைப்பு கொண்டிருக்கிறது. அதன்படி புதிய 5-ஸ்லாட் முன்புற கிரில், எக்ஸ்டென்டெட் எல்இடி ப்ரோஜெக்டர் ஹெட்லைட்கள் வழங்கப்பட்டு இருக்கின்றன. இத்துடன் இன்டிகேட்டர் லைட்கள், எம்ஐடி இன்டிகேஷன் வழங்கப்பட்டு உள்ளது.

அம்சங்களை பொருத்தவரை புதிய இன்னோவா க்ரிஸ்டா மாடலில் ஸ்மார்ட் பிளேகாஸ்ட் இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ வசதி வழங்கப்பட்டு இருக்கிறது. டாப் எண்ட் மாடல்களில் கேமல் டேன் லெதர் சீட் வழங்கப்பட்டு இருக்கிறது.

புதிய இன்னோவா க்ரிஸ்டா பேஸ்லிப்ட் மாடலில் பிஎஸ்6 ரக 2.4 லிட்டர் டீசல் மற்றும் 2.7 லிட்டர் பெட்ரோல் மோட்டார் வழங்கப்பட்டு உள்ளது. இந்த மோட்டார் 150 பிஹெச்பி பவர், 360 என்எம் டார்க் செயல்திறன் மற்றும் 166 பிஹெச்பி, 245 என்எம் டார்க் செயல்திறன் வழங்குகிறது.
Tags:    

Similar News