சிறுவர்களுக்கு பாலியல் தொல்லை: போக்சோ சட்டத்தில் வாலிபர் கைது

ஊத்துக்குளி:

திருப்பூர் மாவட்டம் பெருமாநல்லூர் அருகே உள்ள குருவாயூரப்பன் நகர் பகுதியைச் சேர்ந்த 4 சிறுவர்கள் நேற்று ஊத்துக்குளி அருகே உள்ள நல்லகட்டிபாளையம் பகுதியில் உள்ள பாறை குழியில் மீன்பிடிக்க சென்றனர். அப்போது அங்கிருந்த சேடர்பாளையம் பகுதியைச் சேர்ந்த சக்திவேல் (வயது 20) என்பவர் குடிபோதையில் சிறுவர்களுக்கு பாலியல் தொல்லை கொடுத்ததாக கூறப்படுகிறது. அவரிடம் இருந்து தப்பிச் சென்ற சிறுவர்கள் அக்கம்பக்கத்தில் இது குறித்து தெரிவித்தனர்.

இதையடுத்து ஊத்துக்குளி போலீஸ் நிலையத்திற்கு தகவல் தெரிவிக்கப்பட்டது. அதன்பேரில் ஊத்துக்குளி போலீசார் சக்திவேலை போக்சோ சட்டத்தில் கைது செய்து நீதிமன்றத்தில் ஆஜர்படுத்தி திருப்பூர் சிறையில் அடைத்தனர்.