லைஃப்ஸ்டைல்
வால்நட்ஸ் மசால் வடை

சூப்பரான ஸ்நாக்ஸ் வால்நட்ஸ் மசால் வடை

Published On 2021-03-20 09:31 GMT   |   Update On 2021-03-20 09:31 GMT
மாலையில் காபி, டீயுடன் சாப்பிட அருமையாக இருக்கும் இந்த வால்நட்ஸ் மசால் வடை. இன்று இந்த ரெசிபியை செய்வது எப்படி என்று பார்க்கலாம்.
தேவையான பொருட்கள்

கடலை பருப்பு - 1 1/4 கப்
வால்நட்ஸ் - 3/4 கப்
சோம்பு - 1 1/2 தேக்கரண்டி
உப்பு - 1 தேக்கரண்டி
பெரிய வெங்காயம் - 2
பச்சை மிளகாய் - 3
இஞ்சி - 1 துண்டு
கறிவேப்பில்லை - சிறிதகளவு
கொத்தமல்லி இலை - சிறிதகளவு
எண்ணெய் - பொரிப்பதற்கு

செய்முறை

வெங்காயம், ப.மிளகாய், இஞ்சி, கொத்தமல்லி, கறிவேப்பிலையை பொடியாக நறுக்கி கொள்ளவும்.

கடலை பருப்பை நன்றாக கழுவி 3 மணி நேரம் ஊற வைக்கவும்.

சிறிதளவு வால்நட்ஸ், கடலைப்பருப்பை தனியாக எடுத்து வைக்கவும்.

நன்றாக ஊறிய கடலை பருப்புடன், வால்நட்ஸ், சோம்பு, உப்பு சேர்த்து மிக்சியில் போட்டு கொர கொரப்பாக அரைக்கவும்.

அரைத்த கடலை பருப்பு கலவையுடன், பெரிய வெங்காயம், பச்சை மிளகாய், கறிவேப்பில்லை, கொத்தமல்லி இலை, ஊறவைத்த கடலை பருப்பு, நறுக்கிய வால்நட்ஸ் சேர்த்து நன்கு பிசையவும்.

கடாயை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் மாவை சிறிதளவு எடுத்து, தட்டி, எண்ணெயில் போட்டு பொரிக்கவும்.

பொன்னிறமானதும், வடையை எடுக்கவும்.

சுவையான வால்நட்ஸ் மசாலா வடை தயார்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News