தொழில்நுட்பச் செய்திகள்
வி

பழைய விலை புதிய வேலிடிட்டி - வி ரூ. 601 சலுகை மீண்டும் அறிவிப்பு

Published On 2022-01-01 03:00 GMT   |   Update On 2022-01-01 03:00 GMT
வி (வோடபோன் ஐடியா) நிறுவனம் சமீபத்தில் நீக்கிய ரூ. 601 விலை பிரீபெயிட் சலுகையை மீண்டும் அறிவித்து இருக்கிறது.


வி நிறுவனம் ரூ. 601 பிரீபெயிட் சலுகையை மீண்டும் அறிவித்து இருக்கிறது. எனினும், இம்முறை இதன் வேலிடிட்டி 28 நாட்களாக குறைக்கப்பட்டு உள்ளது. முன்னதாக இந்த சலுகை 56 நாட்கள் வேலிடிட்டி கொண்டிருந்தது குறிப்பிடத்தக்கது.

வேலிடிட்டி மட்டும் குறைக்கப்பட்டுள்ள நிலையில், ரூ. 601 வி சலுகையின் பலன்களில் எந்த மாற்றமும் மேற்கொள்ளப்படவில்லை. இந்த சலுகையில் தினசரி டேட்டா, அன்லிமிடெட் வாய்ஸ் கால், எஸ்.எம்.எஸ். போன்ற பலன்கள் வழங்கப்படுகிறது. இத்துடன் ஒரு வருடத்திற்கான டிஸ்னி பிளஸ் ஹாட்ஸ்டார் மொபைல் சந்தா வழங்கப்படுகிறது.



வி ரூ. 601 சலுகையில் தினமும் 3 ஜி.பி. டேட்டா, அன்லிமிடெட் வாய்ஸ் கால், தினமும் 100 எஸ்.எம்.எஸ். போன்ற பலன்கள் வழங்கப்படுகின்றன. இத்துடன் வார இறுதி நாட்களில் டேட்டா ரோல்-ஓவர் சலுகையும் வழங்கப்படுகிறது. இந்த சலுகையை வி செயலியில் ரீசார்ஜ் செய்யும் போது ரூ. 100 தள்ளுபடியும் வழங்கப்படுகிறது.
Tags:    

Similar News