இந்தியாவில் புதிய மாற்றத்திற்கான டீசரை வெளியிட்ட கியா

கியா மோட்டார்ஸ் நிறுவனம் இந்த ஆண்டு துவக்கத்தில் தனது புதிய லோகோவை சர்வதேச சந்தையில் வெளியிட்டது. தற்போது இந்த லோகோ இந்தியாவிலும் அறிமுகம் செய்யப்பட இருக்கிறது. இதனை புது டீசர் மூலம் கியா தெரிவித்து இருக்கிறது. 

சர்வதேச சந்தையில் ஜனவரி 6 ஆம் தேதி புது லோகோ அறிமுகம் செய்யப்பட்ட நிலையில், இந்தியாவில் இது ஏப்ரல் 27 ஆம் தேதி அறிமுகமாகிறது. தற்போதைய லோகோவை சுற்றி சிவப்பு நிற அவுட்லைன் உள்ளது. புதிய லோகோ சில்வர் நிறம் கொண்டிருக்கிறது. புதிய கார் வெளியாகும் போது காரின் நிறத்தையே லோகோவில் பயன்படுத்த கியா முடிவு செய்துள்ளது.

இதேபோன்ற வழிமுறையை பிஎம்டபிள்யூ ஏற்கனவே பயன்படுத்தி வருகிறது. இதன் மூலம் கார்களுக்கு பிரத்யேக தோற்றத்தை வழங்க முடியும். செல்டோஸ் கிராவிட்டி எடிஷன் காஸ்மெடிக் மாற்றங்களுடன் வெளியாகும் என தெரிகிறது. இத்துடன் கியா சொனெட் மாடலும் புதிய லோகோவை கொண்டிருக்கும் என கூறப்படுகிறது.