தொழில்நுட்பச் செய்திகள்
பி.எஸ்.என்.எல்.

425 நாட்கள் வேலிடிட்டி வழங்கும் பி.எஸ்.என்.எல். சலுகை

Published On 2022-01-02 04:45 GMT   |   Update On 2022-01-01 09:25 GMT
பி.எஸ்.என்.எல். நிறுவனம் ரூ. 2399 பிரீபெயிட் சலுகை வேலிடிட்டியை நீட்டித்து இருக்கிறது. இதன் விவரங்களை பார்ப்போம்.


பி.எஸ்.என்.எல். ரூ. 2399 பிரீபெயிட் சலுகையில் 60 நாட்களுக்கு கூடுதல் வேலிடிட்டி வழங்குகிறது. அதன்படி இந்த சலுகை வேலிடிட்டி குறுகிய காலக்கட்டத்திற்கு 425 நாட்களாக அதிகரிக்கப்பட்டு இருக்கிறது. முன்னதாக இந்த சலுகையின் வேலிடிட்டி 365 நாட்களாக இருந்தது குறிப்பிடத்தக்கது.

ரூ. 2399 சலுகையில் அன்லிமிடெட் வாய்ஸ் கால், தினமும் 3 ஜி.பி. டேட்டா வழங்கப்படுகிறது. இத்துடன் பி.எஸ்.என்.எல். டியூன்ஸ், இரோஸ் நௌ சந்தாவும் வழங்கப்படுகிறது. வேலிடிட்டி நீட்டிப்பு பற்றிய அறிவிப்பு தமிழகத்துக்கான பி.எஸ்.என்.எல். வலைதளத்தில் இடம்பெற்று இருக்கிறது. 



இதுதவிர பி.எஸ்.என்.எல். ரூ. 1499 விலையிலும் பிரீபெயிட் சலுகையை வழங்கி வருகிறது. இதன் வேலிடிட்டி 365 நாட்கள் ஆகும். இதில் அன்லிமிடெட் வாய்ஸ் கால், தினமும் 100 எஸ்.எம்.எஸ்., தினமும் 2 ஜி.பி. டேட்டா உள்ளிட்ட பலன்கள் வழங்கப்படுகின்றன.

பி.எஸ்.என்.எல். ரூ. 1999 விலை பிரீபெயிட் சலுகையில் அன்லிமிடெட் வாய்ஸ் கால், தினமும் 100 எஸ்.எம்.எஸ்., 500 ஜி.பி. டேட்டா உள்ளிட்ட பலன்கள் வழங்கப்படுகின்றன. இந்த சலுகையின் வேலிடிட்டி 365 நாட்கள் ஆகும்.  
Tags:    

Similar News