2021 ஹோண்டா கோல்டு விங் டூர் வினியோக விவரம்

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2021 கோல்டு விங் டூர் பிளாக்ஷிப் மாடல் வினியோகத்தை இந்தியாவில் துவங்கி இருக்கிறது. புதிய பிளாக்ஷிப் மாடல் ஹோண்டா பிங்விங் விற்பனையகங்கள் மூலம் வினியோகம் செய்யப்படுகின்றன.

2021 ஹோண்டா கோல்டு விங் டூர் மாடல் முதற்கட்ட யூனிட்கள் இந்தியாவில் விற்பனை துவங்கிய 24 மணி நேரத்தில் விற்றுத்தீர்ந்தது. 2021 கோல்டு விங் டூர் மாடல் வெளிநாட்டில் உற்பத்தி செய்யப்பட்டு இந்தியாவுக்கு இறக்குமதி செய்யப்படுகிறது.

புதிய ஹோண்டா கோல்டு விங் டூர் மாடல் இரண்டு வேரியண்ட்களில் கிடைக்கிறது. இதன் மேனுவல் வேரியண்ட் விலை ரூ. 37,20,342 என்றும் DCT வேரியண்ட் விலை ரூ. 39,16,055 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.