ரூ. 37.2 லட்சம் விலையில் ஹோண்டா கோல்டு விங் மோட்டார்சைக்கிள் அறிமுகம்

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் புதிய ஹோண்டா கோல்டு விங் பிஎஸ்6 மாடலை இந்திய சந்தையில் அறிமுகம் செய்து இருக்கிறது. புது பிரீமியம் மாடல் விலை ரூ. 37.20 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. 2021 ஹோண்டா கோல்டு விங் ஒற்றை வேரியண்டில் கிடைக்கிறது.

புதிய கோல்டு விங் பிஎஸ்6 டாப் எண்ட் மாடல் விலை ரூ. 39.16 லட்சம் என நிர்ணயம் செய்யப்பட்டு உள்து. இந்த மோட்டார்சைக்கிளை வாடிக்கையாளர்கள் ஹோண்டா ஆன்லைன் தளத்தில் முன்பதிவு செய்யலாம். இந்த மாடலின் வினியோகம் ஜூலை மாத வாக்கில் துவங்கும் என தெரிகிறது.

இந்தியாவில் 2021 ஹோண்டா கோல்டு விங் பிஎஸ்6 மாடல் சிபியு முறையில் கொண்டுவரப்படுகிறது. இந்த மாடல் ஹோண்டாவின் பிரீமியம் பிங் விங் விற்பனையகங்கள் மூலம் விற்பனை செய்யப்படுகிறது. இந்த மோட்டார்சைக்கிள் பியல் கிளேர் வைட் மற்றும் கன்மெட்டல் பிளாக் மெட்டாலிக் / மேட் மோரியன் பிளாக் நிறங்களில் கிடைக்கிறது. 

2021 ஹோண்டா கோல்டு விங் மாடலில் 1833சிசி லிக்விட் கூல்டு என்ஜின் வழங்கப்பட்டு இருக்கிறது. இத்துடன் 6 ஸ்பீடு மேனுவல் அல்லது 7 ஸ்பீடு டிசிடி ஆட்டோமேடிக் டிரான்ஸ்மிஷன் கொண்டிருக்கிறது. இந்த என்ஜின் 125 பிஹெச்பி பவர், 170 என்எம் டார்க் செயல்திறன் வழங்குகிறது.