ரோகித் சர்மா வந்த பிறகு வெளிநாட்டு மண்ணில் தொடக்க ஜோடியின் சராசரி எவ்வளவு?

இந்திய டெஸ்ட் அணி வெளிநாடுகளுக்கு குறிப்பாக தென்ஆப்பிரிக்கா, இங்கிலாந்து, ஆஸ்திரேலியா, நியூசிலாந்துக்கு சென்றால் தொடக்க வீரர்கள் நிலைத்து நின்று விளையாடுவது மிகவும் சிரமம். அங்குள்ள சீதோஷ்ண நிலைக்கு ஸ்விங் ஆகும் புதுப்பந்தை திறமையாக எதிர்த்து விளையாட முடியாமல் விரைவாக ஆட்டமிழந்து விடுவார்கள்.

அதன்பின் 10 ஓவர்களுக்கு மேல் தாக்குப்பிடித்து நின்றாலே, அது மிகப்பெரிய விசயமாக பார்க்கப்படும். ஆனால் ரோகித் சர்மாக வந்த உடன் தொடக்க ஜோடி நீண்ட நேரம் களத்தில் தாக்குப்பிடித்துள்ளதாக புள்ளி விவரங்கள் தெரிவிக்கின்றன.

2018-ம் ஆண்டு இந்திய தொடக்க ஜோடியின் சராசரியாக 7.2 ஓவர்கள் மட்டுமே தாக்குப்பிடித்துள்ளனர். 2019-ல் அது  குறைந்து 6.1 ஆக இருந்துள்ளது. கொரோனா தொற்று காரணமாக 2020-ல் கிரிக்கெட் மிகப்பெரிய அளவில் விளையாடப்படவில்லை. அப்போது 3.3 ஆக இருந்துள்ளது.

ரோகித் சர்மா தொடக்க வீரராக களம் இறங்கியதில் இருந்து 2021-ல் சராசரி 19.1 ஓவராக உயர்ந்துள்ளது. ரோகித் சர்மா ஸ்கோர் அதிக அளவில் அடிக்கவில்லை என்றாலும், நீண்ட நேரம் களத்தில் நின்று தாக்குப்பிடித்துள்ளார் என்பது குறிப்பிடத்தக்கது.