ராயல்டி மூலம் யூடியூபில் இருந்து மாதந்தோறும் ரூ. 4 லட்சம் கிடைக்கிறது: மத்திய அமைச்சர் நிதின் கட்கரி சொல்கிறார்

மத்திய அமைச்சர் நிதின் கட்கரி டெல்லி- மும்பை எக்ஸ்பிரஸ்வே சாலைப் பணியை பரூச் என்ற இடத்தில் ஆய்வு செய்தார். அப்போது, யூடியூபில் இருந்து மாதந்தோறும் 4 லட்சம் ரூபாய் ராயல்டி மூலமா வருகிறது எனக் கூறினார்.

இதுகுறித்து நிதின் கட்கரி கூறுகையில் ‘‘நான் கொரோனா ஊரடங்கு சமயத்தில் இரண்டு விஷயங்களை செய்தேன். ஒன்று வீட்டில் சமையல் செய்து சமையல்காரரானேன். மற்றொன்று வீடியோ கான்பரன்ஸ் மூலம் கலந்துரையாடினேன். ஆன்லைனில் 950-க்கும் மேற்பட்ட கலந்துரையாடல் செய்தேன். வெளிநாட்டு பல்கலைக்கழக மாணவர்களுடனும் கலந்துரையாடினேன். அந்த வீடியோக்களை யூடியூபில் அப்லோடு செய்தேன்.

என்னுடைய யூடியூப் சேனலுக்கு அதிகபேர் வந்தனர். இதனால் யூடியூப் தற்போது எனக்கு மாதந்தோறும் 4 லட்சம் ரூபாய் ராயல்டியாக தருகிறது’’ என்றார்.