யானையை மீட்கும் பணியில் ஈடுபட்ட செய்தி புகைப்படக்காரர் நீரில் மூழ்கி பலி: ஒடிசாவில் பரிதாபம்

ஒடிசா மாநிலம் கட்டாக் மாவட்டத்தில் மகாநதி ஆறு ஓடுகிறது. முண்டாலி என்ற பகுதியில் யானை ஒன்று மகாநதி வெள்ளத்தில் அடித்துச் செல்லப்பட்டது. இதுகுறித்து தகவலறிந்த ஒடிசா பேரிடர் விரைவு மீட்புக்குழு யானையை மீட்கும் பணியில் ஈடுபட்டது. அவர்களுடன் செய்தி புகைப்படக்காரர் அரிந்தம் என்பவரும் ஈடுபட்டார்.

யானை ஆற்றின் ஆழமான பகுதிக்கு இழுத்துச் செல்லப்பட்டதால், மீட்புக்குழு படகில் சென்றது. அப்போது திடீரென படகு கவிழ்ந்து விபத்துக்குள்ளானது. இதில் செய்தி புகைப்படக்காரர் அரிந்தம் நீரில் மூழ்கி பரிதாபமாக உயிரிழந்தார். மேலும், அதிரடி மீட்புக் குழுவில் உள்ள வீரர் ஒருவர் ஆபத்தான நிலையில் ஐ.சி.யூ. வார்டில் சிகிச்சை பெற்று வருகிறார். மேலும் 3 வீரர்கள் சிகிச்சை பெற்று வருகிறார்கள்.