போக்கோ எஃப்2 அதிகாரப்பூர்வ டீசர் வெளியீடு

போக்கோ பிராண்டின் புதிய போக்கோ எஃப்2 ஸ்மார்ட்போன் டீசர் வெளியிடப்பட்டுள்ளது. புதிய டீசர்கள் போக்கோ பிராண்டின் அதிகாரப்பூர்வ ட்விட்டர் பக்கத்தில் பதிவிடப்பட்டு இருக்கிறது. 

போக்கோ எஃப்2 ஸ்மார்ட்போன் உருவாகி வருவதை அந்நிறுவனம் ஏற்கனவே உறுதி செய்து இருக்கிறது. அந்த வகையில் இந்த ஸ்மார்ட்போன் விரைவில் அறிமுகம் செய்யப்படலாம் என தெரிகிறது. முன்னதாக இந்த ஸ்மார்ட்போன் விவரங்கள் கூகுள் பிளே தளத்தில் பட்டியலிடப்பட்டது. 

அதன்படி இந்த ஸ்மார்ட்போன் ரெட்மி கே30 ப்ரோ மாடலின் மேம்பட்ட வெர்ஷனாக இருக்கும் என கூறப்பட்டது. எனினும், போக்கோ இந்தியா பொது பேலாளர், போக்கோ எஃப்2 ஸ்மார்ட்போன் முற்றிலும் புதிய மாடலாக இருக்கும் என தெரிவித்து இருந்தார். 

அந்த வகையில் போக்கோ எஃப்2 ப்ரோ ஸ்மார்ட்போன் ரெட்மி கே30 ப்ரோ மாடலில் வழங்கப்பட்ட சிறப்பம்சங்களுடன் இந்தியா தவிர்த்து சில சந்தைகளில் அறிமுகம் செய்யப்படலாம்.

புதிய போக்கோ ஸ்மார்ட்போன் எந்தெந்த நாடுகளில் அறிமுகமாகும் என்பது பற்றி இதுவரை எவ்வித தகவலும் இல்லை. இதுவரை கிடைத்திருக்கும் தகவல்களின்படி புதிய போக்கோ எஃப்2 ப்ரோ ஸ்மார்ட்போன் போக்கோ பிராண்டின் விலை உயர்ந்த மாடலாக இருக்கும் என கூறப்படுகிறது.