7ம் வகுப்பு படிக்கும்போதே எனது தந்தை பென்ஸ் கார் வாங்கி தந்தார்- கே.சி.வீரமணி பேட்டி

திருப்பத்தூர்:

முன்னாள் அமைச்சர் கே.சி.வீரமணிக்குச் சொந்தமான இடங்கள், உறவினர்கள் மற்றும் நெருங்கிய ஆதரவாளர்கள் வீடு உள்பட 35 இடங்களில் கடந்த 16-ந்தேதி லஞ்ச ஒழிப்பு போலீசார் சோதனை நடத்தினர்.

மேலும் வீட்டின் வளாகத்தில் 551 யூனிட் மணல் குவித்து வைக்கப்பட்டிருந்தது கண்டுபிடிக்கப்பட்டது.

இது சம்பந்தமாக கே.சி.வீரமணி திருப்பத்தூரில் இன்று நிருபர்களுக்கு பேட்டி அளித்தார். அப்போது அவர் கூறியதாவது:-

வீட்டில் உள்ள ரோல்ஸ்ராய்ஸ் கார் பழமையானது. அதன் மதிப்பு ரூ.5 லட்சம் தான்.

அமெரிக்க டாலர் ரூ. 1 லட்சத்து ஐம்பதாயிரம் மதிப்புள்ளது மட்டுமே கைப்பற்றப்பட்டது. எனக்கு ரூ.40 கோடி கடன் உள்ளது. நான் பல ஆண்டாக வருமான வரி கட்டி வருகிறேன்.

கார் சிறுவயதில் இருந்தே வாங்கி வருவது எனக்கு பழக்கம். நான் 7-ம் வகுப்பு படிக்கும் போதே எனது தந்தை பென்ஸ்கார் வாங்கி தந்தார். நான் எதையும் மறைக்கவில்லை. ஆடம்பரத்தை விரும்பாதவன் நான்.

சமூக வலைதளத்தில் என்னை பற்றி தவறான தகவல்களை பரப்பி வருகின்றனர். அது முற்றிலும் தவறானது என்றார்.