செய்திகள்
ஹேக்கர்கள் கைவரிசை - முடங்கி போன டொனால்டு டிரம்ப் வலைதளம்
துருக்கி நாட்டை சேர்ந்த ஹேக்கர்கள் டொனால்டு டிரம்ப் அதிகாரப்பூர்வ வலைதளத்தை ஹேக் செய்தனர்.
முன்னாள் அமெரிக்க அதிபர் டொனால்டு டிரம்ப் வலைதளம் ஹேக் செய்யப்பட்டது. டிரம்ப் வலைதளத்தை இயக்க முற்பட்டால், துருக்கியை சேர்ந்த ரூட்அயில்டிஸ் குழு உருவாக்கிய வலைப்பக்கம் திறந்தது.
அந்த வலைப்பக்கத்தில், 'அல்லாவை மறந்தவர்களை போன்று இருக்காதீர்கள், கூட்டணியே அவர்களை மறக்க செய்திருக்கிறது. இங்கு அவர்கள் உண்மையில் வழிமாறி சென்றனர்.' எனும் வாசகம் இடம்பெற்று இருக்கிறது. இதே வாசகம் துருக்கி மொழியிலும் எழுதப்பட்டு இருக்கிறது.
இத்துடன் ஹேக்கர்களின் இன்ஸ்டாகிராம் மற்றும் பேஸ்புக் பக்கங்களுக்கான இணைய முகவரியும் அந்த வலைப்பக்கத்தில் இடம்பெற்று இருந்தது. உலகளவில் பல்வேறு அரசியல் தலைவர்களை குறிவைத்து சைபர் தாக்குதல்களை ரூட்அயில்டிஸ் குழு நடத்தி வருகிறது.
முன்னதாக பலமுறை அமெரிக்க அரசியல் தலைவர்களின் வலைதளங்கள் இதேபோன்று ஹேக் செய்யப்பட்டு இருக்கின்றன. ஹேக் செய்யப்பட்ட டிரம்ப் வலைதளம் தற்போது சீராக இயங்குகிறது.