பைக்
ஹார்லி டேவிட்சன் ஸ்போர்ட்ஸ்டர் எஸ்

ரூ. 15.51 லட்சம் விலையில் புதிய ஹார்லி மோட்டார்சைக்கிள் அறிமுகம்

Published On 2021-12-06 06:20 GMT   |   Update On 2021-12-06 06:20 GMT
ஹார்லி டேவிட்சன் நிறுவனத்தின் புதிய ஸ்போர்ட்ஸ்டர் எஸ் மாடல் இந்தியா பைக் வாரம் நிகழ்வில் அறிமுகம் செய்யப்பட்டது.


ஹார்லி டேவிட்சன் நிறுவனம் இந்திய சந்தையில் புதிய ஸ்போர்ட்ஸ்டர் எஸ் மோட்டார்சைக்கிளை அறிமுகம் செய்து இருக்கிறது. இந்தியாவில் இதன் விலை ரூ. 15.51 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது.

ஹார்லி டேவிட்சன் ஸ்போர்ட்ஸ்டர் எஸ் மாடல் ஏற்கனவே சர்வதேச சந்தையில் விற்பனை செய்யப்படுகிறது. இதில் வித்தியாசமான ஹெட்லேம்ப் அமைப்பு, ஷார்ட் பெண்டர், ஹை-செட் எக்சாஸ்ட்கள், ஒற்றை சீட் வழங்கப்பட்டு இருக்கிறது. இந்த மாடலில் 1250சிசி, லிக்விட் கூல்டு, வி டுவின் என்ஜின் வழங்கப்பட்டு இருக்கிறது.



இதே என்ஜின் பேன் அமெரிக்கா 1250 மாடலிலும் வழங்கப்பட்டு இருக்கிறது. ஸ்போர்ட்ஸ்டர் எஸ் மாடலில் இந்த என்ஜின் 119.3 பி.ஹெச்.பி. திறன், 127.4 நியூட்டன் மீட்டர் டார்க் இழுவிசையை வெளிப்படுத்துகிறது. அம்சங்களை பொருத்தவரை லீன்-சென்சிடிவ் டிராக்‌ஷன் கண்ட்ரோல், கார்னெரிங் ஏ.பி.எஸ்., புல் எல்.இ.டி. லைட்டிங், ப்ளூடூத் வசதி கொண்ட இன்ஸ்ட்ரூமெண்ட் கிளஸ்டர் உள்ளிட்டவை வழங்கப்பட்டு இருக்கிறது.
Tags:    

Similar News