பைக்
ஓலா எஸ்1 சீரிஸ் வினியோகம்

ஓலா எஸ்1 சீரிஸ் வினியோகம் துவக்கம்

Published On 2021-12-16 07:28 GMT   |   Update On 2021-12-16 07:28 GMT
ஓலா எலெக்ட்ரிக் நிறுவனம் இந்திய சந்தையில் புதிய எஸ்1 மற்றும் எஸ்1 ப்ரோ மாடல்களை வினியோகம் செய்கிறது.


ஓலா எலெக்ட்ரிக் நிறுவனம் ஓலா எஸ்1 மற்றும் எஸ்1 ப்ரோ எலெக்ட்ரிக் ஸ்கூட்டர் மாடல்களை வினியோகம் செய்ய துவங்கி இருக்கிறது. முன்னதாக அக்டோபர் 25 இல் துவங்கி டிசம்பர் 25 ஆம் தேதிக்குள் வினியோகம் செய்ய ஓலா எலெக்ட்ரிக் திட்டமிட்டது.

உற்பத்தி பணிகளை முடுக்கிவிட்டு வாடிக்கையாளர்களுக்கு குறிப்பிட்ட நேரத்தில் ஸ்கூட்டர்களை வினியோகம் செய்வதற்கான முயற்சிகள் தொடர்ந்து நடைபெற்று வருகிறது என ஓலா எலெக்ட்ரிக் நிறுவனத்தின் மூத்த விளம்பர அதிகாரி வருன் தூபே தெரிவித்தார்.



'ஓலா வளாகத்தில் முதற்கட்ட எஸ்1 வாடிக்கையாளர்களை அழைத்து வந்துள்ளது சிலிர்க்க வைக்கிறது. எலெக்ட்ரிக் வாகன புரட்சிக்கு உண்மையான காரணமான எங்களின் வாடிக்கையாளர்களுக்கு நன்றி,' என ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது டுவிட்டரில் தெரிவித்தார்.
Tags:    

Similar News