தொழில்நுட்பம்
போக்கோ எக்ஸ்3

இணையத்தில் லீக் ஆன போக்கோ எக்ஸ்3 விவரங்கள்

Published On 2020-08-28 11:32 GMT   |   Update On 2020-08-28 11:32 GMT
போக்கோ நிறுவனத்தின் புதிய எக்ஸ்3 ஸ்மார்ட்போன் விவரங்கள் இணையத்தில் லீக் ஆகி இருக்கிறது.


போக்கோ எக்ஸ்3 ஸ்மார்ட்போனின் கேமரா விவரங்கள் அந்நிறுவனத்தின் செய்தி தொடர்பாளர் மூலம் இணையத்தில் வெளியாகி இருக்கிறது. 

அந்த வகையில் புது போக்கோ ஸ்மார்ட்போன் வித்தியாசமாக கேமரா செட்டப் கொண்டிருக்கும் என தெரியவந்துள்ளது. இதன் பின்புற பேனல் வடிவமைப்பு அமெரிக்காவின் எஃப்சிசி வலைதளத்திலும் லீக் ஆகி இருந்தது. இதில் வித்தியாசமான கேமரா லே-அவுட், டைமண்ட் வடிவம் கொண்டுள்ளது.



போக்கோவின் புது ஸ்மார்ட்போன் வடிவமைப்பை அம்பலப்படுத்தும் நான்கு படங்களை பதிவிட்டு, அவற்றில் எது உண்மையான கேமரா செட்டப் கொண்டிருக்கும் என போக்கோ செய்தி தொடர்பாளரும், விளம்பர பிரிவு மேலாளருமான அங்கஸ் கை ஹோ என்ஜி தனது ட்விட்டரில் கேள்வி எழுப்பி இருக்கிறார். 

முந்தைய எஃப்சிசி வலைதள விவரங்களின் படி புதிய போக்கோ ஸ்மார்ட்போன் எம்2007ஜெ20சிஜி எனும் மாடல் நம்பர் கொண்டிருக்கும் என கூறப்படுகிறது. புதிய போக்கோ ஸ்மார்ட்போனில் 64 எம்பி ஏஐ சூப்பர் கேமரா லேபெலுடன் 64 எம்பி பிரைமரி சென்சார் வழங்கப்பட இருக்கிறது. 
Tags:    

Similar News