ஆட்டோமொபைல்
ஐ20 என் லைன் இந்திய விலையை அறிவித்த ஹூண்டாய்
ஹூண்டாய் நிறுவனத்தின் ஐ20 என் லைன் மாடல் இந்தியாவில் மூன்று வேரியண்ட்களில் விற்பனைக்கு வந்துள்ளது.
ஹூண்டாய் இந்தியா நிறுவனம் ஐ20 என் லைன் மாடலை இந்திய சந்தையில் அறிமுகம் செய்தது. புதிய ஐ20 என் லைன் மாடல் துவக்க விலை ரூ. 9.84 லட்சம் ஆகும். இதன் டாப் எண்ட் மாடல் விலை ரூ. 11.75 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
இந்திய சந்தையில் புதிய ஐ20 என் லைன் மாடல் - என்6 ஐ.எம்.டி., என்8 ஐ.எம்.டி. மற்றும் என்8 டி.சி.டி. என மூன்று வேரியண்ட்களில் கிடைக்கிறது. ஹூண்டாய் ஐ20 என் லைன் மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் ஆகும்.
புதிய ஹூண்டாய் ஐ20 என் லைன் மாடலில் 1 லிட்டர் டர்போ ஜி.டி.ஐ. பெட்ரோல் என்ஜின் வழங்கப்பட்டு இருக்கிறது. இந்த என்ஜின் 120 பி.எஸ். திறன் மற்றும் 172 நியூட்டன் மீட்டர் டார்க் இழுவிசையை வழங்குகிறது. இத்துடன் 7 ஸ்பீடு டூயல் கிளட்ச் டிரான்ஸ்மிஷன் மற்றும் 6 ஸ்பீடு ஐ.எம்.டி. யூனிட் வழங்கப்படுகிறது.