தொழில்நுட்பம்
ரியல்மி வாட்ச் டி1

ஏழு நாட்களுக்கு பேட்டரி பேக்கப் வழங்கும் ரியல்மி வாட்ச் அறிமுகம்

Published On 2021-10-19 14:03 GMT   |   Update On 2021-10-19 14:03 GMT
ரியல்மி நிறுவனத்தின் முதல் ஸ்மார்ட்வாட்ச் முழு சார்ஜ் செய்தால் ஏழு நாட்களுக்கு தேவையான பேக்கப் வழங்குகிறது.


ரியல்மி நிறுவனம் ரியல்மி வாட்ச் டி1 ஸ்மார்ட்வாட்ச் மாடலை சீன சந்தையில் அறிமுகம் செய்தது. புதிய ஸ்மார்ட்வாட்ச் 1.3 இன்ச் வட்ட வடிவ 325பிபிஐ ஹெச்.டி. அமோலெட் ஸ்கிரீன், 110 ஸ்போர்ட்ஸ் மோட்கள், இதய துடிப்பு சென்சார், எஸ்.பி.ஓ.2 மாணிட்டரிங் போன்ற அம்சங்களை கொண்டிருக்கிறது.

இத்துடன் ப்ளூடூத் காலிங், 4 ஜிபி மெமரி, 5ஏ.டி.எம். வாட்டர் ரெசிஸ்டண்ட் வசதி, ஸ்டெயின்லெஸ் ஸ்டீல் கேஸ் கொண்டுள்ளது. இந்த ஸ்மார்ட்வாட்ச் மாடலில் உள்ள பேட்டரி முழு சார்ஜ் செய்தால் அதிகபட்சம் ஏழு நாட்களுக்கான பேட்டரி பேக்கப் வழங்குகிறது.



இதில் பாஸ்ட் சார்ஜிங் வசதி வழங்கப்பட்டு இருக்கிறது. இது 35 நிமிடங்களில் ஸ்மார்ட்வாட்ச்-ஐ முழுமையாக சார்ஜ் செய்துவிடும். 15 நிமிடங்கள் சார்ஜ் செய்தால் மூன்று நாட்களுக்கு பேக்கப் வழங்கும். 

ரியல்மி வாட்ச் டி1 வைப்ரண்ட் பிளாக் மற்றும் பிளாக் மிண்ட் நிறங்களில் கிடைக்கிறது. இத்துடன் சிலிகான் ஸ்டிராப், ஆலிவ் நிறத்தில் லெதர் போன்ற ஸ்டிராப் கொண்டிருக்கிறது. சீன சந்தையில் ரியல்மி வாட்ச் டி1 விலை 699 யுவான் இந்திய மதிப்பில் ரூ. 8,200 என நிர்ணயம் செய்யப்பட்டு உள்ளது. 
Tags:    

Similar News