எல்ஜி கிராம் 2021 சீரிஸ் லேப்டாப்கள் இந்தியாவில் அறிமுகம்

எல்ஜி நிறுவனத்தின் மூன்று எல்ஜி கிராம் லேப்டாப்கள் இந்தியாவில் அறிமுகமாகி இருக்கின்றன. இவை 17-இன்ச், 16-இன்ச் மற்றும் 14-இன்ச் ஸ்கிரீன் கொண்டுள்ளன. மூன்று மாடல்களின் ஸ்கிரீன்களும் 16:10 எனும் அளவில் உருவாக்கப்பட்டுள்ளன.

புதிய லேப்டாப்களும் எல்ஜி கிராம் 17Z90P, 16Z90P, மற்றும் 14Z90 பெயரில் அழைக்கப்படுகின்றன. இவை இன்டெல் இவோ சான்று பெற்று இருக்கின்றன. அல்ட்ரா-போர்டபில் ரகத்தில் உருவாகி இருக்கும் மூன்று லேப்டாப்களும் MIL-STD-810G தரச்சான்று பெற்று இருக்கின்றன. 

மூன்று லேப்டாப்களிலும் இன்டெல் டைகர் லேக் 11th-gen பிராசஸர்கள் வழங்கப்பட்டுள்ளன. இத்துடன் இன்டெல் ஐரிஸ் Xe GPU வழங்கப்பட்டுள்ளது. இந்தியாவில் புதிய எல்ஜி கிராம் லேப்டாப்களின் துவக்க விலை ரூ. 74,999 ஆகும்.