முன்பதிவில் புதிய மைல்கல் கடந்த 2020 பிஎம்டபிள்யூ ஜி சீரிஸ்

பிஎம்டபிள்யூ மோட்டராட் நிறுவனம் பிஎஸ்6 ரக 2020 ஜி 310 ஆர் மற்றும் ஜி 310 ஜிஎஸ் மோட்டார்சைக்கிள் மாடல்களை சமீபத்தில் இந்திய சந்தையில் அறிமுகம் செய்தது. இது முந்தைய பிஎஸ்4 மாடல்களை விட சற்றே விலை குறைவாக நிர்ணயம் செய்யப்பட்டு உள்ளன.

விலை குறைவை தொடர்ந்து இரு மாடல்களும் விரைவில் ஆயிரம் முன்பதிவுகளை கடந்துள்ளன. இந்தியாவில் அறிமுகமான ஒரே மாதத்தில் புதிய மைல்கல்லை பிஎம்டபிள்யூ எட்டி இருக்கிறது. 

இந்தியாவில் ஜி 310 ஆர் மாடல் விலை ரூ. 2.45 லட்சம் என்றும், ஜி 310 ஜிஎஸ் மாடல் விலை ரூ. 2.85 லட்சம் என நிர்ணயம் செய்யப்பட்டு உள்ளது. இவை பிஎஸ்4 மாடல்களை விட முறையே ரூ. 54 ஆயிரம் மற்றும் ரூ. 64 ஆயிரம் வரை குறைவு ஆகும். 

புதிய மாடல்களில் மேம்பட்ட ஹெட்லேம்ப் யூனிட் வழங்கப்படுகிறது. இவற்றில் பிஎஸ்6 ரக 312சிசி சிங்கில் சிலிண்டர் மோட்டார் வழங்கப்படுகிறது. இந்த என்ஜின் 34 பிஹெச்பி பவர், 28 என்எம் டார்க் செயல்திறன் வழங்குகிறது.