தொழில்நுட்பம்
கேலக்ஸி வாட்ச் 3 கேலக்ஸி பட்ஸ் லைவ்

பிரீமியம் விலையில் சாம்சங் கேலக்ஸி வாட்ச் 3 மற்றும் கேலக்ஸி பட்ஸ் லைவ் இந்தியாவில் அறிமுகம்

Published On 2020-08-18 06:25 GMT   |   Update On 2020-08-18 06:25 GMT
சாம்சங் நிறுவனத்தின் கேலக்ஸி வாட்ச் 3 மற்றும் கேலக்ஸி பட்ஸ் லைவ் மாடல்கள் பிரீமியம் விலையில் இந்திய சந்தையில் அறிமுகம் செய்யப்பட்டன.


சாம்சங் நிறுவனம் கேலக்ஸி வாட்ச் 3 மற்றும் கேலக்ஸி பட்ஸ் லைவ் மாடல்களை இந்திய சந்தையில் அறிமுகம் செய்து உள்ளது. இரு சாதனங்களும் கேலக்ஸி அன்பேக்டு 2020 நிகழ்வில் கேலக்ஸி நோட் 20 சீரிஸ் மாடல்களுடன் அறிமுகம் செய்யப்பட்டது குறிப்பிடத்தக்கது.

கேலக்ஸி பட்ஸ் லைவ் ட்ரூ வயர்லெஸ் இயர்போன் மாடலில் ஆக்டிவ் நாய்ஸ் கேன்சலேஷன், ப்ளூடூத் 5 மற்றும் ஐபிஎக்ஸ்2 ஸ்வெட் ரெசிஸ்டண்ட் வசதி வழங்கப்பட்டு இருக்கிறது. இத்துடன் 29 மணி நேர பேட்டரி பேக்கப் மற்றும் கியூஐ வயர்லெஸ் சார்ஜிங் வசதி வழங்கப்பட்டு இருக்கிறது.



கேலக்ஸி வாட்ச் 3 மாடலில் எம்ஐஎல்-எஸ்டிடி-810ஜி சான்று, ஐபி68 தர வாட்டர் ரெசிஸ்டண்ட், எல்டிஇ போன்ற வசதிகள் வழங்கப்பட்டு உள்ளன. இவைதவிர இதில் டைசன் சார்ந்த வியரபிள் ஒஎஸ் 5.5 மற்றும் சூப்பர் AMOLED டிஸ்ப்ளே, ஜெஸ்ட்யூர் கண்ட்ரோல் மற்றும் பிக்ஸ்பி வாய்ஸ் அசிஸ்டண்ட் வசதி வழங்கப்பட்டு இருக்கின்றன.

இந்தியாவில் கேலக்ஸி வாட்ச் 3 மாடல் 41எம்எம் மற்றும் 45எம்எம் என இருவித அளவுகளில் கிடைக்கிறது. இதன் 41எம்எம் ப்ளூடூத் மற்றும் எல்டிஇ வெர்ஷன்களின் விலை முறையே ரூ. 29,990 என்றும் ரூ. 34,990 என நிர்ணயம் செய்யப்பட்டு இருக்கின்றன. இதே போன்று 45 எம்எம் ப்ளூடூத் மற்றும் எல்டிஇ மாடல்கள் விலை முறையே ரூ. 32,990 என்றும் ரூ. 38,990 என நிர்ணயம் செய்யப்பட்டு உள்ளன.

கேலக்ஸி பட்ஸ் லைவ் மாடல் மிஸ்டிக் பிரான்ஸ், மிஸ்டிக் பிளாக் மற்றும் மிஸ்டிக் வைட் போன்ற நிறங்களில் கிடைக்கிறது. இதன் விலை ரூ. 14990 என நிர்ணயம் செய்யப்பட்டு உள்ளது. 
Tags:    

Similar News