கார் மாடல்கள் விலையை உயர்த்திய மஹிந்திரா

மஹிந்திரா நிறுவனம் தனது கார் மாடல்கள் விலையை இந்தியாவில் உயர்த்தி இருக்கிறது. இந்த ஆண்டில் மட்டும் மூன்றாவது முறையாக மஹிந்திரா மாடல் விலை உயர்த்தப்பட்டு இருக்கிறது. புது விலை உயர்வு காரணமாக மஹிந்திரா தார் விலை அதிகபட்சம் ரூ. 1 லட்சம் வரை உயர்த்தப்பட்டுள்ளது. 

மஹிந்திரா அல்டுராஸ் ஜி4, KUV 100NXT, XUV500 போன்ற மாடல்கள் விலை சற்றே குறைவாக உயர்த்தப்பட்டுள்ளது. மஹிந்திரா XUV500 விலை ரூ. 2912 முதல் அதிகபட்சம் ரூ. 3188 வரை உயர்த்தப்பட்டு இருக்கிறது. KUV100 NXT மாடல் விலை ரூ. 3,016 முதல் ரூ. 3,344 வரை உயர்த்தப்பட்டு இருக்கிறது. அல்டுராஸ் ஜி4 விலை ரூ. 3094 அதிகரிக்கப்பட்டுள்ளது.

மஹிந்திரா XUV300 விலை ரூ. 18,970 துவங்கி ரூ. 24,266 வரை உயர்த்தப்பட்டு இருக்கிறது. பொலிரோ மாடல் விலை ரூ. 22,600 வரை உயர்த்தப்பட்டுள்ளது. மஹிந்திரா தார் மாடல் விலை ரூ. 1,02,000 வரை அதிகரிக்கப்பட்டு இருக்கிறது. மராசோ எம்.பி.வி. விலை ரூ. 30 ஆயிரம் வரையும் ஸ்கார்பியோ விலை ரூ. 40 ஆயிரம் வரையும் உயர்த்தப்பட்டுள்ளது.