ஜடேஜா இங்கிலாந்துக்கு எதிரான முதல் இரண்டு டெஸ்டில் இருந்தும் விலகல்

ஆஸ்திரேலியா - இந்தியா இடையிலான 3-வது டெஸ்ட் கிரிக்கெட் போட்டி சிட்னியில் நடைபெற்று வருகிறது. முதல் இன்னிங்சில் பேட்டிங் செய்யும்போது மிட்செல் ஸ்டார்க் வீசிய பவுன்சர் பந்து ஜடேஜாவின் இடது கை பெருவிரலை பலமாக தாக்கியது. இதனால் ஜடேஜா 2-வது இன்னிங்சில் பந்து வீசவில்லை.

காயம் காரணமாக ஆஸ்திரேலியாவுக்கு எதிரான கடைசி டெஸ்ட் மற்றும் இங்கிலாந்துக்கு எதிரான முதல் இரண்டு டெஸ்ட் போட்டிகளில் ஜடேஜா விளையாடமாட்டார் எனத் தெரிவிக்கப்பட்டுள்ளது.

சிட்னி டெஸ்டில் தேவைப்பட்டால் வலி நிவாரண ஊசி போட்டுக்கொண்டு பேட்டிங் செய்வார் எனத் தெரிவிக்கப்பட்டுள்ளது.

இந்தியா- இங்கிலாந்து இடையிலான முதல் டெஸ்ட் போட்டி சென்னை சேப்பாக்கத்தில் பிப்ரவரி 5-ம்தேதி தொடங்குகிறது.