லெனோவோவின் நோட் சீரிஸ் ஸ்மார்ட்போன் - வெளியீட்டு விவரங்கள்

லெனோவோ நிறுவனத்தின் புதிய நோட் சீரிஸ் ஸ்மார்ட்போனினை செப்டம்பர் 5 ஆம் தேதி அறிமுகம் செய்ய இருக்கிறது. செப்டம்பர் 5 ஆம் தேதி கில்லர் நோட் ஸ்மார்ட்போன் அறிமுகம் செய்வதாக லெனோவோ தெரிவித்துள்ளது.

அந்த வகையில் லெனோவோ நோட் சீரிஸ் ஸ்மார்ட்போன் அறிமுகம் செய்யப்பட இருப்பது உறுதியாகியிருக்கிறது. முன்னதாக லெனோவோ நிறுவனத்தின் நோட் சீரிஸ் ஸ்மார்ட்போன் மே மாதத்தில் அறிமுகம் செய்யப்பட்டது. லெனோவோ கே9 நோட் என்ற பெயரில் இந்த ஸ்மார்ட்போன் அறிமுகமானது. 

தற்சமயம் வெளியாகி இருக்கும் தகவல்களின் படி புதிய ஸ்மா்ர்ட்போன் லெனோவோ கே10 நோட் என்ற பெயரில் அறிமுகம் செய்யப்படலாம் என தெரிகிறது. முந்தைய லெனோவோ கே9 நோட் ஸ்மார்ட்போனில் 5.9 இன்ச் ஃபுல் ஹெச்.டி. பிளஸ் 1080x1920 பிக்சல் ரெசல்யூஷன், குவால்காம் ஸ்னாப்டிராகன் 450 பிராசஸர், 4 ஜிபி. ரேம், 64 ஜி.பி. மெமரி வழங்கப்பட்டது.

கடந்த ஆண்டு அக்டோபரில் லெனோவோ இரு பட்ஜெட் விலை ஸ்மார்ட்போன்களை இந்தியாவில் அறிமுகம் செய்தது. லெனோவோ ஏ5 மற்றும் லெனோவோ கே9 என இரு ஸ்மார்ட்போன்களும் முறையே ரூ. 5,999 மற்றும் ரூ. 8,999 விலையில் அறிமுகம் செய்யப்பட்டன. இவை சியோமியின் ரெட்மி 6 சீரிஸ் மாடல்களுக்கு போட்டியாக அறிவிக்கப்பட்டன.

சிறப்பம்சங்களை பொருத்தவரை லெனோவோ கே9 ஸ்மார்ட்போனில் 5.7 இன்ச் ஹெச்.டி. பிளஸ் 720x1440 பிக்சல் ஐ.பி.எஸ். டிஸ்ப்ளே, மீடியாடெக் MTK6762 ஆக்டா-கோர் பிராசஸர், 3 ஜி.பி. ரேம், 32 ஜி.பி. மெமரி வழங்கப்பட்டது. புகைப்படங்களை எடுக்க லெனோவோ கே9 ஸ்மார்ட்போனில் 13 எம்.பி. + 5 எம்.பி. பிரைமரி கேமரா சென்சார், ஏ.ஐ. அம்சங்கள் வழங்கபப்ட்டது.