இரண்டு வேரியண்ட்களில் உருவாகும் சிஎப்மோட்டோ 800 எம்டி

சீனாவை சேர்ந்த மோட்டார்சைக்கிள் உற்பத்தியாளரான சிஎப்மோட்டோ நிறுவனம் தனது 800 எம்டி அட்வென்ச்சர் டூரர் மோட்டார்சைக்கிளை விரைவில் அறிமுகம் செய்யலாம் என எதிர்பார்க்கப்படுகிறது. மேலும் இந்த மாடல் இரண்டு வெர்ஷன்களில் கிடைக்கும் என கூறப்படுகிறது.

இதன் ஆப்-ரோடு வெர்ஷன் வையர்-ஸ்போக் வீல்கள், டூயல் ஸ்போர்ட் டையர்களை கொண்டிருக்கிறது. சிஎப்மோட்டோ 800 எம்டி மாடல் 790 அட்வென்ச்சர் மாடலை சார்ந்து உருவாகி இருக்கிறது. இதில் 799சிசி, எல்சி8 பேரலெல் ட்வின் என்ஜின் வழங்கப்பட்டு இருக்கிறது.

இந்த என்ஜின் 95பிஹெச்பி பவர் வழங்குகிறது. எனினும், சிஎப்மோட்டோ 800 எம்டி மாடலின் செயல்திறன் வேறுபடும் என எதிர்பார்க்கப்படுகிறது. தோற்றத்தில் சிஎப்மோட்டோ 800 எம்டி ஸ்போர்ட்ஸ் மாடலில் டூயல் எல்இடி ஹெட்லைட்கள், டால் விண்ட்ஸ்கிரீன் வழங்கப்படுகிறது.