செய்திகள்
உங்கள் தேவையே எங்கள் வாக்குறுதி... புதுச்சேரி தேர்தலுக்கான பாஜக தேர்தல் அறிக்கை வெளியீடு
புதுச்சேரியில் அனைத்து பஞ்சாலைகளையும், கூட்டுறவு மில்களையும் திறக்க நடவடிக்கை எடுக்கப்படும் என பாஜக தேர்தல் அறிக்கையில் வாக்குறுதி அளித்துள்ளது.
புதுச்சேரி:
புதுச்சேரி சட்டசபை தேர்தலுக்கான பாஜக தேர்தல் அறிக்கை இன்று வெளியிடப்பட்டது. மத்திய மந்திரிகள் நிர்மலா சீதாராமன், அர்ஜுன் ராம் மெக்வால், கிரிராஜ் சிங் ஆகியோர் தேர்தல் அறிக்கையை வெளியிட்டனர். அதில் உள்ள முக்கிய அம்சங்கள்:
* புதுச்சேரி விமான நிலையம் விரிவாக்கம் செய்யப்படும்
* சர்வதேச தொழில் முதலீட்டாளர் மாநாடு நடத்தி, முதலீடுகள் ஈர்க்கப்படும்
* தொழில், கல்வி, சுகாதாரம் ஆகியவற்றின் செயல்பாட்டை உறுதி செய்ய உயர்மட்டக் குழு அமைக்கப்படும்
* அனைத்து பஞ்சாலைகளையும் கூட்டுறவு மில்களையும் திறக்க நடவடிக்கை எடுக்கப்படும்.
உங்கள் தேவையே எங்கள் வாக்குறுதி" என்ற தலைப்பில் 50,000 பேரிடம் கருத்துக்கள் கேட்டு அறிக்கை தயாரிக்கப்பட்டுள்ளது. தேர்தல் அறிக்கையில் 12 தலைப்புகளில் வாக்குறுதிகள் அளிக்கப்பட்டுள்ளன.